المجلس اليمني
::  قوانين المنتدى  |     التسجيل  |   طلب رقم التنشيط   |   تنشيط العضوية  |  استعادة كلمة المرور
العودة   المجلس اليمني :: الأقسام الأدبية :: الشـعــر الشــعبي
 
أدوات الموضوع
قديم 01-10-2008, 10:15 AM   مشاركة رقم :: 1
قلم فضي

الصورة الرمزية ابو يمن وفتخر


 
تاريخ التسجيل: 29-09-2008
المشاركات: 4,281

 
افتراضي كلمات شعر حـــــــــــــامد زيـــــــــــــــــــــــــد

الأسطورة
ما تقبلت الفراق و ما ليدي فيه حيله
آه لو أن الظروف المقبلة تكشف قدرها
لو يعرف الشخص منا وش مع الغيب ابـ يجي له
كان جنبنا المشاكل من قبل يوقع ضررها
ما هقيت الليلة اللي جابت الفرقا طويله
لين صارت ليلة أمس بعيني أطول من شهرها
و العذاب اللي يذوب بعين من يفقد خليله
عندي أكبر من عذاب العين لو تفقد نظرها
و الحبيب اللي صدوده مثل مداته جزيله
صد عني و أعرفه لا صد عن حاجه هجرها
كأن روحي يوم حست في جفاه و صعب نيله
بشرتني بالضياع و شدت العزم لسفرها
ما رحمها من هلاك و ما تقبلها دخيله
تحتضر قدام عينه لين ماتت من قهرها
عاد ليت اللي ذبحها و أرهب الموت بوسيله
ما دفن وجه الضحيه و السكاكين بنحرها
ليت قلبه يوم طاوع فعلته كمل جميله
لو غسلها من عروقه و بكفن صدره قبرها
من حفر بضلوع قلبه حفرةٍ تكفي قتيله
ليه ما يدفن قتيله بالضلوع اللي حفرها
اشتكيته للرفوف و للبراويز الهزيله
و انذعرت من النياح اللي سمعته في صورها
رحت أسولف للجبال الصم عن قصة رحيله
ما تــــــركت مـــــــتونها الا ينـحت الـــــــدمــــــع بصخرهــــــا
مع تحيات /أبــــو مــــــــــــــــشــــــــــــــــــــــعـــــــــ ــــــــــل

AFAF.77@HOTMAIL.COM
.................................................. .................................................. .............................
الجمهرة
إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب أكيد تاليها خراب
والبندق اللي ماتثور في هدفها تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره

صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره

والله ماحطيت بين الحقدوالخوه حجاب
حتى غدوا ربعي يحدوني على الضيق أشكره

البارحه ثارت علي رقاب وأوتني رقاب
البارحه ياثقل دم البارح ويامحقره

أثر أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره

أثر المصايب ماتجيك إلا من الناس القراب
وبهالزمن حتى الرفيق اللي تثق فيه أحذره

لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره

عوّدت نفسي كل ماشددت لليمّه ركاب
مأصد وجهي عن طريق إلا لياجبت خبره


الصاحب اللي مايجي من صحبته غير العذاب نذر ٍ
علي إن ماهجرني وإلا أنا اللي ب أهجره

من يفتح لفرقاي باب أفك له عشرين باب
وأذا خويي مايقدر خوتي ما أقدره

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

أنا جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره

ماكنت أحاتيهم صغيّير ..عاد أحاتيهم شباب
ما أذخره لليوم الأسود ما أذخره

عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره

اللي يخاف من الظما يترك لنا طرد السراب
واللي ماهو بقد الظلام ووحشته لايسهره

انا تجرعت العطش لين أحترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعلام ٍ ماتستحق المغفره

انا أكثر أنسان تعلم من كثر ماأخطأ وصاب
انا أخر لسان يتكلم في زمان الثرثره

انا القصيد اللي فزع من دفتره مليون نار
وانا الوحيد اللي جمع مليون نار بدفتره

جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره

شيب بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره

ماصرت ذيب إلا لأن اللي حوالي ذياب
ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره

في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره

ودك اليا من جاتك الغلطه من الناس القراب
الصاحب اللي ماكسبت محبته ماتخسره
مع تحيات/ أبو مشعل الفهد

AFAF.77@HOTMAIL.COM
.................................................. .................................................. .............................
غرام أحباب

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني



تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني



لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني



صدفتك معجبه فيني وياليت..الغرام : اعجاب
وتراك انتي الهنوف اللي هقيتك iiتستحقيني



عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني



أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني



رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني



تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني



تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني



وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني



ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني



أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني



زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني



غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني



إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني



أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني



سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني



عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني



أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني



وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني



وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني



ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني



أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني



ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني



ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني
أبو مشعل

AFAF.77@HOTMAIL.COM


  رد مع اقتباس
:: إضـافة رد

أدوات الموضوع

الانتقال السريع :::

Powered by vBulletin®
Copyright ©2000 - 2014, Jelsoft Enterprises Ltd.